នាទីរបស់ប្រូតេអ៊ីនក្នុងសារពាង្គកាយ

 ប្រូតេអ៊ីន

ភាវរស់នីមួយៗមានសមាសធាតុគីមីក្នុងកោសិកាគឺប្រូតេអ៊ីន។ដូច្នេះប្រូតេអ៊ីនគីជាសមាសធាតុគ្រិះនៃជីវិត។

១­-រូបផ្គុំរបស់ប្រូតេអ៊ីន

ប្រូតេអ៊ីនបង្កេដោយអាស៊ីតអាស៊ីតអាមីនេចំនួនចាប់ពី៥០ឡើងទៅ។ដូច្នេះប្រូតេអ៊ីនជាប៉ូលីមែរ មានន័យថា ប្រូតេអ៊ីនជាម៉ាក្រូម៉ូលេគុលសុំាញុំា។

ប្រូតេអ៊ីនមានច្រើនប្រភេទដែលមានទម្រង់ ៤ កម្រិត។

១.១ ទម្រង់ទី១ (​ រូប២.១ )

គឺជាតំណលំដាប់អាស៊ីតអាមីនេសុទ្ធសាធ តម្រៀបជាច្រវាក់ទោល។

១.២ ទម្រង់ទី២ ( រូបទី២.២ )

គឺជាការបត់បែនបានជាខ្សែខ្ចៅនៃប្រតេអ៊ីន ដែលមានពីរប្រភេទ ៖

-ទម្រង់បត់បែនស្រប គឺជាច្រវាក់ប៉ូលីប៉ិបទីតតម្រៀបទៅតាមទិសតែមួយ។

-ទម្រង់បត់បែនមិនស្របគឺជាច្រវាក់ប៉ូលីប៉ិបទីតតម្រៀបទៅតាមទិសដៅផ្ទុយគ្នាធ្វើឧ្យ

ទម្រង់កាន់តែសុំាញុំា។ទម្រង់នេះរឹងមាំជាងទម្រង់ស្រប។ប្រូតេអ៊ីនសរសៃរភាគច្រើនសុទ្ធតែជាទំរង់ទី២។

១.៣ ទម្រង់ទី៣ ( រូបទី២.៣ )

-សណ្ឋានទី១ ៖​ អាស៊ីតអាមីនេនៅឃ្លាតគ្នា ក្រោយពេលបត់បែនហើយអាស៊ីតអាមីនេនៅជាប់ៗគ្នា។

-សណ្ឋានទី២ ៖ ក្រោយបត់បែន ប្រតេអ៊ីនមានទម្រង់ជាគ្រាប់តូចៗមិនអាចឲ្យទឹកជ្រាបចូលបាន។

-សណ្ឋានទី៣ ៖ ប្រូតេអ៊ីនគ្រាប់មានទំហំធំ (​ មានអាស៊ីតអាមីនេលើសពី២០០ ) តែងតែផ្ទុកគ្រាប់តូចៗមួយចំនួនហៅថាដូមែន។

* ដូមែនគឺជាផ្នែកមួយរបស់ប្រូតេអ៊ីន ដែលទម្រង់ទី៣មានរាងមូលុ។ដូច្នេះទម្រង់ទី៣ របស់ប្រូតេអ៊ីនកំណត់នាទីយថាប្រភេទរបស់ប្រូតេអ៊ីន។

១.៤ ទម្រង់ទី៤ (​ រូបទី២.៤ )

គឺជាប្រូតេអ៊ីនមួយចំនួនបង្កដោយច្រវាក់ប៉ូលីប៉ីបទីត៣ឬ៤ ធ្វើឲ្យប្រូតេអ៊ីនកាន់តែមានភាពសុំាញុំា។

២-នាទីរបស់ប្រូតេអ៊ីន

ប្រូតេអ៊ីនមាននាទីច្រើនយ៉ាង ៖

១.កាតាលីករ ( អង់ស៊ីម )៖ គឺ

-បង្កើនល្បឿនប្រតិកម្មគីមី

-ចូលរួមក្នុងលំនាំការរំលាយអាហា

-ចាប់យកថាមពលនិងធ្វើជីវៈសំយោគ

-ភ្ជាប់អាសូត ឧ៖ នីត្រូសែណាសជាប្រូតេអ៊ីនសុំាញុំាដែលមាននាទីក្នុងការភ្ជាប់អាសូត។

ឧ៖​ រីប៊ុយឡូប៊ីផូស្វាតកាបុកស៊ីឡាស កាតាលីករក្នុងដំណើររស្មីសំយោគ។

២.ប្រូតេអ៊ីនទម្រង់មាននាទីការពារនិងទ្រទ្រង់ ជាសមាសធាតុក្នុងភ្ជាប់ជាលិកាធ្វើឲ្យជាលិការឹងមាំនិងមានភាពយឺត។ឧ៖​-កូឡាសែន (ជាសរសៃប្រូតេអ៊ីនក្នុងជាលិកាសន្ធាន)ទ្រទ្រង់ ជាសមាសធាតុក្នុងភ្ជាប់ជាលិកាធ្វើឲ្យជាលិការឹងមាំ។

-អេឡាស្ទីនធ្វើឲ្យជាលិកាក្នុងសារពាង្គកាយមានភាពយឺត។

៣.អ្នកធ្វើចលនាៈ

ប្រូតេអ៊ីនចូលរួមគ្រប់ចលនានៃកាសិកា។ដូចជា៖​ ឧៈ អាក់ទីន ទុយប៊ុយលីន មានក្នុងស៊ីតូប្លាសបង្កើតទម្រង់ខាងក្នុងកោសិកា។

ចូលរួមក្នុងសកម្មភាពចំនែកកោសិកា វាដឹកនាំសារធាតុចូល(អង់ដូស៊ីតូស) និង ចេញពីកោសិកា(អ៊ិចសូស៊ីតូស) ចលនារបស់គោលិកាស។

៤.អ្នកការពារៈ

កេរ៉ាទីនជាប្រូតេអ៊ីនក្នុងជាលិកាអេពីតេល្យូមរបស់អេពីឌែមនៃស្បែកមាននាទីការពារប្រឆាំង នឹងការជ្រាតចូលនៃមេរោគនៅពេលមានរបួល។

-ភីប្រ៊ីណូសែន និង ត្រុំប៊ីនជាប្រូតេអ៊ីនដែលធ្វើឲ្យឈាមកក ការពារការបាត់បង់ឈាមនៅពេលដាច់សរសៃឈាម

-អង់ទីករ ផលិតដោយឡាំងផូស៊ីតប្រឆាំងនឹងកាជ្រាតចូលនៃមេរោគ

៥.អ្នកតម្រូវ ( អរម៉ូន ) ផលិតដោយក្រពេញអង់ដូគ្រីន។

៦.អ្នកដឹកនាំ ( អេម៉ូក្លូប៊ីន ) ដឹកនាំអុកស៊ីសែនពីសួតទៅជាលិកា។ប្រូតេអ៊ីនមានច្រើនលើសលុប ដែលចែកជាពីរផ្នែក ទៅតាមទម្រង់និងសមាសភាព។

តាមទម្រង់គេចែកប្រូតេអ៊ីនជាពីរក្រុមៈ

-ប្រូតេអ៊ីនសរសៃៈជាម៉ូលេគុលវែងមិនរលាយក្នុងទឹក ហើយស្វិត ដែលមានក្នុងស្បែក សក់ ក្រចក ហើយមាននាទីជាអ្នកការពារ។

-ប្រូតេអ៊ីនសរសៃៈជាម៉ូលេគុលរាងមូលតូចៗហើយរលាយក្នុងទឹកដែលមាននាទីចលករ។

ឧ៖ អង់ទីករ អេម៉ូក្លូប៊ីន។

តាមសមាសភាពគេចែកប្រូតេអ៊ីនជាពីរក្រុមៈ

-ប្រូតេអ៊ីនងាយៈកើតពីអាស៊ីតអាមីនេសុទ្ធ។ឧ៖​ សេរ៉ូមអាល់ប៊ុយមីន

-ប្រូតេអ៊ីនសុំាញុំាៈកើតពីប្រូតេអ៊ីនងាយរួមនឹងសមាសធាតុដែលមិនមែនជាប្រូតេអ៊ីន។

ឧ៖​ គ្លីកូប្រូតេអ៊ីន លីប៉ូប្រូតេអ៊ីន ផូស្វ័រប្រូតេអ៊ីន………..។

ក្នុងសារពាង្គកាយទោះបីប្រូតេអ៊ីនមានច្រើនក៏ដោយ ក៏វាអាចបាត់បង់គុណភាពបានដែរ

ក្រោមលក្ខខណ្ឌដូចខាងក្រោមៈ

-អាស៊ីតឬបាសខ្លាំង

-អង្គធាតុរំលាយ

-សាប៊ូ

-ភ្នាក់ងារផ្សេងៗដូចជាអ៊ុយរេ

-កំហាប់អំបិល

-លោហធាតុធ្ងន់

-បម្រែបម្រួលសីតុណ្ហភាព

-ចលនាមេកានិច

អត្ថបទ៖ រដ្ឋា(rckbook)

About rckbook

I'm a person who like reading books in free time.

2 responses »

  1. prilsophearoath និយាយថា ៖

    ពិតជាល្អសំរាប់សិស្សនិស្សិតសំរាប់ធ្វើការស្រាវជ្រាវ

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s