ថ្នាំសម្រើបពិតជាអាចព្យាបាលជំងឺបេះដូងបាន?

ឱសថសម្រាប់ជំនួយផ្លូវភេទ ក៏អាចជួយព្យាបាលជំងឺបេះដូងបានផងដែរ បើតាមការសិក្សាថ្មីចុងក្រោយមួយ។

យោងតាមអ្នកជំនាញ ថ្នាំវីយ៉ាក្រា អាចជួយពង្រឹងសាច់ដុំបេះដូងឲ្យមានភាពល្អប្រសើរឡើងវិញ។ ថ្នាំសម្រើបនេះអាចជួយអ្នកជំងឺដែលមានលក្ខខ័ណ្ឌបេះដូងមិនល្អ ពោលគឺ បេះដូងដែលមិនមានឈាមគ្រប់គ្រាន់។ មិនត្រឹមតែប៉ុណ្ណោះទេ ថ្នាំនេះក៏អាចជួយអ្នកដែលពិបាកក្នុងការដកដង្ហើមបានផងដែរ។

អ្នកដឹកនាំការស្រាវជ្រាវនេះគឺលោក Wolfgang Linke មកពីសាកលវិទ្យាល័យ Ruhr Bochum ក្នុងប្រទេសអាល្លឺម៉ង់ បានពន្យល់ថា គ្រប់អ្នកជំងឺបេះដូងដែលមានអាយុ ៦០ឆ្នាំ គឺមានបេះដូងខ្សោយ ហើយថ្នាំវីយ៉ាក្រាអាចជួយធ្វើឲ្យបេះដូងមានសកម្មភាពខ្លាំងក្លាជាងមុន។

ទោះបីជាយ៉ាងណាក្ដី ក្រុមអ្នកវិទ្យាសាស្រ្ដក៏មិនបានបញ្ជាក់ច្បាស់លាស់ពីមូលហេតុនោះទេ ប៉ុន្ដែដូចដែលលោកអ្នកធ្លាប់បានដឹងតាមរយៈព័ត៌មានកន្លងមករបស់ខ្មែរសារិកាហើយ គឺទារកម្នាក់ដែលមានជំងឺបេះដូង ក៏អាចបន្ដជីវិតបានដោយសារថ្នាំវីយ៉ាក្រានោះដែរ។

លទ្ធផលនៃការស្រាវជ្រាវនេះ ត្រូវបានបោះពុម្ភផ្សាយក្នុងព្រឹត្តបត្រ Circulation។

ប្រភព៖ Khmersarika